| контакт | маркетинг
ФУДБАЛ

05.10.2017

Премија од по 1.500 евра за победата над Израел


На седницата на УО на ФФМ, која ќе се одржи во Торино, ќе се одобри одлуката репрезентативците да добијат премија за победата над Израел (1:0), минатиот месец, во Хаифа


Малку е чудно, но тоа е вистината. УО на ФФМ ќе има редовна седница на туѓа територија. Сите членови со експедицијата вчера заминаа со чартерот за Торино. Токму во хотелот каде што ќе биде сместена делегацијата на ФФМ, ќе се одржи и состанокот на кој треба да се донесат тековни одлуки. Да се верификува новиот двегодишен договор на Благоја Милевски со селекцијата до 21 година, но и да се потврди наградата за А-репрезентацијата.
Секој фудбалер денеска ќе биде награден со по 1.500 евра. Ова е премија за победата од 1:0 над Израел, минатиот месец. Успехот во Хаифа донесе и мотив кај челниците на ФФМ, кои одлучија да ги наградат фудбалерите. Премијата ќе беше поголема, но само ако славевме и против Албанија во Струмица. Репрезентативците ја добиваат наградата непосредно пред дуелот со Италија. Победа или бод утре во Торино ќе донесе нова награда. Затоа, напред момци! Најголема награда за вас ќе биде ако не загубите од „аѕурите“. Не ви треба премија или мотив плус кога се игра со Италија.



Датум: 05.10.2017, 11:06
Статијата е прочитана 1177 пати.

НАЈНОВИ ВЕСТИ
16.12.2017
16.12.2017
16.12.2017
15.12.2017
15.12.2017
МИКС
повеќе >
SPORT.COM.MK 2014. сите права задржани
DEVELOPED BY Nextsense