СЕНЗАЦИЈА ВО ПЕХЧЕВО

КУП: Мартин Стојанов си поигруваше со чаирчани, Кит Го-Шкупи 2:0!

18-годишниот талент, феноменалниот Мартин Стојанов беше клучниот играч на пехчевци и со два гола го елиминираше фаворитот.

објавено: 22 август 2018 - 19:12

На домашната фудбалска сцена стартуваше елиминаторната фаза од најмасовното натпреварување Купот на Македонија, каде трофејот го брани Шкендија.

Воглавно дуели помеѓу второлигашки и прволигашки екипи каде што секако фаворитската улога ја имаат гостите, но тоа не се покажува во целост барем на стартот од натпреварувањето.

Во 1/16 финалето каде што се игра само еден натпревар, на дуелот во Пехчево, второлигашот Кит Го приреди големо изненадување елиминирајќи го прволигашот Шкупи со резултат 2:0 со головите на големиот потенцијал на пехчевци, 18-годишниот Мартин Стојанов.

Вардар ја оправда фаворитската улога против Вардар Форино, двоен стрелец беше Максимов, а по еден погодок имаа Антовски и Попзлатанов.

1/16 ФИНАЛЕ, КУП НА МАКЕДОНИЈА

Денеска, резултати:

Кораби – Борец 1:0 (Клобучишта 69 пенал)
Влазерими – Беласица 0:4 (Џонов 41, Милушев 50, Сулев 70, Ѓоргиев 80)
Вардар Неготино – Скопје 1:3 (Шишков 71/Алексиќ 14, Јаневски 33, Ристовски 90+2)
Фортуна – Работнички 0:6 (Чинеду Гофри 3, 79, 84, Стоименовски 51, Станковски 62, Редев Јанкуловски 82)
Лабуништа – Академија Пандев 1:3 (Милевски 76/Мишов 45+3, Дориев 72, Илиев 85)
Кит Го – Шкупи 2:0 (Стојанов 13, 90+4)
Поешево – Брегалница 0:8 (Велиновски 42, 63, 75, Рајков 45+1, Рунтев 62, Антонов 82, Манев 84, Николовски 90 автогол)
Вардар Форино – Вардар 0:4 (Максимов 22, 60, Антовски 74, Попзлатанов 79)
Осогово – Пелистер 0:1 (Главевски 71)
Тетекс – Гостивар 1:1 (Љама 90/Зекири 8), пенали 3:4
Братство Влазними – Силекс 0:7 (Иванов 32, Љамчевски 42, Драшковиќ 45+1, 62, Алексовски 64, 81 пенал, Митевски 66)
Тиквеш – Ренова 2:1 (Митев 26, Ивановски 77/Рамадани 67)
Превалец – Македонија ЃП 0:2 (Луиз Фелипе 58, Миовски 72)

Второлигашот Струга Трим Лум поради зафатеност на стадионот ќе ја нагости прилепска Победа на 29 август, а Кожув поради европски обврски на шампионот ќе го пречека на 5 септември 2018 год.

Најново во Фудбал