ТЕНИСКИ ЉУБОВЕН ТРИАГОЛНИК

Бугаринот Димитров ја откачи Шарапова поради нејзина помлада колешка

Канаѓанката Бушар е 20-годишна тениска сензација, која според изгледот, но и начинот на игра е сметана за помлада верзија на „Тигрицата од Сибир“

објавено: 5 март 2014 - 20:37

Најдобриот бугарски тенисер Григор Димитров раскинал со руската тениска ѕвезда Марија Шарапова, а причина за тоа била нејзината далеку помлада колешка Јуџин Бушар, соопштија медиумите од нашиот источен сосед.

Димитров, наводно, добро се забавувал со Канаѓанката во Акапулко, каде што тој го освои турнирот во Мексико сити. Според информациите, двајцата се сончале еден до друг на јахта, летале со хеликоптер, одиграле егзибициски меч на платформа во Тихиот океан и уживале во зајдисонцето.

Иако Шарапова го поздрави Григор за титулата во Мексико, последните неколку дена се шпекулира тој и 20-годишната Јуџин се повеќе од пријатели. Бугаринот бил големиот подарок за 20. роденден на Бушар која откри дека никогаш нема да ги заборави деновите поминати со него.

Згора на тоа, на профилот на Димитров на социјалната мрежа Фејсбук нема ниту една слика на Шарапова од 2014, туку сите се со Јуџин Бушар.

Најново во Другата страна на спортот