За два месеци над 23.000 возила со знакот на Porsche

Porsche испорача над 11 000 спортски автомобили во февруари

објавено: 13 март 2014 - 21:45

Во февруари 2014 година, Porsche AG повторно го зголеми бројот на испорачани возила кон клиентите. Со 11 061 продадени автомобили во светски рамки, производителот на спортски автомобил забележа зголемување на испораките за околу 6% во споредба со истиот месец минатата година. Во првите два месеци од 2014 година, Porsche испорача вкупно 23 286 нови автомобили.

"Ние во февруари, го надминавме бројот на испораки што го остваривме истиот месец минатата година", изјави Бернард Маер, член на управниот одбор за продажбата и маркетинг во Dr. Ing. h.c. F. Porsche AG. и додаде – „Тоа кажува многу за нашите фасцинантни производи и за високиот степен на додадена вредност. Во моментов, ние им го претставуваме новиот Macan на нашите дилери во Барселона на само две недели пред стартот на продажбата закажан за 5ти април 2014.

 

Најново во Автомобили