| контакт | маркетинг
ФУДБАЛ

20.08.2017

Јаневски: Играчите ги исполнија сите задачи

Тренерот на Вардар задоволен од резултатот и од играта на денешниот меч

Чедомир Јаневски после натпреварот со Победа, задоволен од играта и од резултатот на Вардар на денешниот дуел после кој Вардарци дојдоа до првите три бода во оваа сезона.

„Пред мечот им реков на моите играчи дека влегуваме во сосема поинаков натпревар и дека треба да заборавиме она што не очекува во Лигата на Европа. Мораше да се остане фокусиран кон она што е нашата приоритетна цел, а тоа е освојвуање на шампионската титула во домашниот шампионат. Реков дека ќе биде доста различен меч од оној што го одигравме во четврток. Моравме да бидеме концентрирани од почетокот до крајот на средбата за да ги освоиме трите бода. Играчите ги исполнија сите задачи кои ги работевме во овој краток период колку што сум во Вардар. Видов подобрување за разлика од последниот натпревар со Фенербахче, иако денеска игравме против сосема друг противник. Задоволен сум од прикажаното со оглед дека постигнавме четири гола, а не примивме ниту еден. Тоа не е лесно под вакви услови. Сега треба да останеме мирни, и да внимаваме како ќе се одмориме и како ќе се подготвиме за следниот натпревар кој што следува,  тоа е мечот со Фенербахче во Лигата на Европа“, изјави Јаневски.



Датум: 20.08.2017, 20:02
Статијата е прочитана 976 пати.

НАЈНОВИ ВЕСТИ
19.10.2017
19.10.2017
19.10.2017
19.10.2017
19.10.2017
МИКС
повеќе >
SPORT.COM.MK 2014. сите права задржани
DEVELOPED BY Nextsense