| контакт | маркетинг
ФУДБАЛ

12.03.2017

ИЛИЈОСКИ: Работнички досега не сум го „треснал“

Пелистер на чело со Баже Илијоски оди на нов успех пролетва, а Работнички пак ќе се обиде со евентуален бод или победа да се доближи или изедначи со прилепчани на табелата.

Главна тема секако пред овој меч, е Баже Илијоски. Иконата на Работнички сега за прв пат во дресот на Пелистер ќе му се спротивстави на тимот од Градски Парк.
„Факт е дека досега не сум постигнал гол против Работнички. Играв во дресот на Металург против нив, бев асистент но не и стрелец. Нормално дека е овој подааток сатисфакција за мене, што се вели да ги „пецнам“ - вели Илијоски и додава. 
„Да, мора да принаам дека Работнички е мојот клуб. Грото од играчите кои се таму ми се добри пријатели, сум минал долги години заедно со нив на терен и нормално е да имам силна конекција со овој тим. Сите добро ги познавам што се вели нема тајни фудбалски меѓу нас. Само пофални зборои за сите таму, но на терен овојпат ќе бидеме противници.
Не чека тежок меч. Против квалитетен противник. Секако дека ќе сака противникот да не надигра, да се порази, но ние нормално дека посакуваме полн плен“ - вели Илијоски.

АКО ПОГОДАМ НЕМА ДА СЕ РАДУВАМ
Илијоски вели дека доколку постигне гол нема да го прослави.
„Секако од респект кон мојот поранешен клуб, кон соиграчите. Нормално со сета сила ќе пробам да го сторам тоа, да постигнам, гол, ако можам и повеќе, но сепак нема да се радувам“ - вели Илијоски.



Датум: 12.03.2017, 11:13
Статијата е прочитана 1800 пати.

НАЈНОВИ ВЕСТИ
23.10.2017
23.10.2017
23.10.2017
23.10.2017
23.10.2017
МИКС
повеќе >
SPORT.COM.MK 2014. сите права задржани
DEVELOPED BY Nextsense