| контакт | маркетинг
ФУДБАЛ

26.07.2017

Илиев: „Пееска“ за нов почеток

Младиот голман е пред дефинитивен кам-бек на терените овојпат со бројот 50. на грбот

Дејан Илиев го одработи стандардното фотографирање за играчите на Арсенал, како и секоја предсезона. Со таа разлика што овојпат нашиот интернационалец одбра различна бројка која ќе му стои на дресот за разлика од минатите сезони. Овојпат Илиев се одлучи за бројот педесет. Зошто?
„Морав да одберам бројка за новата сезона. Немав некоја посебна желба, едноставно се одлучив за бројот 50. Нека ете оваа голема бројка, биде почеток на нешто ново, големо за мене. Искрено посакувам така да биде“  - вели Илиев и додава.
„Наголемо се подготвувам за следните предизвици. Работам напорно на тренинзите, едвај чекам повторно да забранам за Арсенал, да заиграм повторно еден натпревар. Тоа многу ќе ми значи со оглед на се што минав во изминатот  период. Наскоро ќе се случи тоа, а потоа секако дека најавувам и враќање во националниот дрес. Одамна ме немало, се знае и зошто, но сега откако сум здрав, а наскоро и стопроцентно подготвен нема да има пречки пак да забранам за Македонија“ - вели Илиев од Лондон.

 

 



Датум: 26.07.2017, 18:12
Статијата е прочитана 4326 пати.

НАЈНОВИ ВЕСТИ
23.10.2017
23.10.2017
23.10.2017
23.10.2017
23.10.2017
МИКС
повеќе >
SPORT.COM.MK 2014. сите права задржани
DEVELOPED BY Nextsense