| контакт | маркетинг
ФУДБАЛ

03.12.2017

Бомби го урнаа Вардар на Чаир

Со прекрасните голови од далечина на Бајрами и Стојкоски кој го даде веројатно голот на сезоната, Шкупи со 2:0 успеа да го победи шампионот во каллта на Чаир. Шкендија го прегази и Пелистер, Работнички убедлив со „пиратите“

Се чини дека заврши битката за титулата, барем во однос на Вардар. Шампионот заглави во каллта на Чаир, и тоа како заглави. Шкупи во одлична атмосфера на стадионот на Чаир успеа со 2:0 да го победи Вардар, и тоа само благодарение на супер ефектните голови на Бајрами во 62. и Стојкоски во 86. минута. Иако условите за игра беа ненормални, сепак никој не може да им ја одзеде радоста на фановите на Шкупи кој еуфорично ја прославија оваа супер победа на нивните миленици.
Шкендија со 3:0 го прегази Пелистер, стрелци на головите беа Ибраими, Хасани од пенал и Зејнулаи, но треба веднаш да се каже дека на полувреме резултатот беше 0:0. Па така сега тетовци имаат 14 бода пред Вардар но и два меча повеќе одиграно.
Работнички со убедливи 3:0 дојде до нови бодови, заслужена победа на момците на тренерот Станковски.
Победа и Ренова одиграа 1:1, по бод за девете екипи во битката за опстанот. И во Струмица, Силекс со голот на Ѓорѓевиќ го шокираше домашниот тим.


РЕЗУЛТАТИ - 18. КОЛО

ШКУПИ - ВАРДАР 2:0
Mуарем Бајрами 62’, Кристијан Стојкоски 86’
РАБОТНИЧКИ - СКОПЈЕ 3:0
Душко Трајчевски 49’, Серџио 83’, 90’
ШКЕНДИЈА - ПЕЛИСТЕР 3:0
Бесарт Ибраими 49’, Ферхан Хасани 68’(пенал), Арбин Зејнулаи 90’
А. ПАНДЕВ - СИЛЕКС 0:1
Милош Ѓорѓевиќ 15’
ПОБЕДА - РЕНОВА 1:1
Филип Најдовски 73’ - Ваљмир Нафиу 80’(п)

ТАБЕЛА
1. Шкендија 46 бодови, 2. Вардар (-2) 32, 3. Силекс 31, 4. А. Пандев (-1) 25, 5. Работнички (-1) 23, 6. Шкупи 23, 7. Победа 19, 8. Ренова 18, 9. Пелистер 16, 10. Скопје 10 бодови



Датум: 03.12.2017, 15:08
Статијата е прочитана 3240 пати.

НАЈНОВИ ВЕСТИ
21.01.2018
21.01.2018
21.01.2018
21.01.2018
21.01.2018
МИКС
повеќе >
SPORT.COM.MK 2014. сите права задржани
DEVELOPED BY Nextsense